همـي عظيـم(بقلمي)

موضوع: همـي عظيـم(بقلمي) الأحد مايو 09, 2010 5:09 am

عسى ان تنول أستحسانكم

يامل قلب(ن) مشتعل ضامره ضي

نيــــران فـي وسطه تـــــواقد خفيه

انا اشهد اني صرت ميت وانا حي

من زود هم(ن) في حياتي الشقيه

همي عظيــم تقول يشبه جبل طي

والا كما سيل(ن) تـحــــــدر عليه

ماشفت راحه في حياة الشقى ذي

ضيـم وكــــدر ماشفت لحظه هنيه

حاولت اعدل ماتـعــــدل معي شي

دنيا عطتني من الـبـــــلاوي هديه

اشكي لـربي مالي غيره ابي اشكي

الـــواحد الــــي جازل(ن) بالعطيه

رب(ن) كـــريـم وقادر يزيحها لي

كل الهـمـــــــــوم للي بقلبـي بطيه

ياالله انا طالبك والـعـيــــن تبـكي

عــوض حياتــي بالسعاده شويه

مالـي امـل ياغــير رحمتك ربي

راجـيـك ياالله مارجيـت البــريه